Nýtt vörumerki hjá Skinney-Þinganes
Nýtt vörumerki, Blumaris, hefur verið tekið í notkun hjá Skinney-Þinganes og verður vörumerkið notað á þær vörur sem fyrirtækið selur undir eigin nafni. Vörur frá fyrirtækinu eru velþekktar um allan heim undir mismunandi nöfnum, skammstöfunum og númerum en segja má að fyrirtækið hafi í raun ekki haft neitt sérstakt vörumerki. Hinu nýja vörumerki er ætlað að samræma þetta og festa í sessi þá góðu ímynd sem vörur félagsins hafa. Þetta kemur fram á heimasíðu fyrirtækisins www.sth.is.
Undanfarin ár hafa íslensk sjávarútvegsfyrirtæki verið að færast nær markaðnum og endanlegum viðskiptavinum. Fyrirtækin hafa um leið orðið sjálfstæðari í sölumálum sínum og tekið virkari þátt í markaðssetningu afurðanna.
Sú ákvörðun að taka í notkun vörumerki er eðlilegt framhald af þessu.
Skrifa athugasemd