Sex farnir úr Sindra!
Á sunnudaginn mun mfl. karla hjá Sindra leika fyrsta leikinn sinn í deildarbikarkeppninni. Leikurinn er gegn Fjölni og verður leikinn í Reykjaneshöllinni kl. 16:00. Töluverðar breytingar hafa orðið á liði Sindra frá síðasta sumri og eru þær allar á einn veg, leikmenn hafa farið en engin komið í staðinn, enn sem komið er. Ef litið er á félagaskipti leikmanna Sindra frá 1. september 2003 til dagsins í dag þá hafa 6 leikmenn tilkynnt félagaskipti úr Sindra í önnur félög en engin skipt í Sindra.
Að sögn Gests Halldórssonar gjaldkera knd. Sindra er frágengið að einn af þessum leikmönnum snúi aftur til Sindra með vorinu og eins er 99,9% öruggt að sterkur erlendur markmaður muni standa á milli stanganna á komandi sumri.
Eins og staðan er í dag þá vonumst við til að tveir nýir leikmenn skipti yfir í Sindra á næstunni, fyrir utan markmanninn. Þetta eru báðir leikmenn með góða reynslu úr boltanum og verða vonandi góð viðbót við hópinn sem fyrir er sagði Gestur.
Skrifa athugasemd