Krakkarnir í Krakkakoti á leið í bankann ásamt fóstrunum

11.03.2004 Mars

Leikskólinn Krakkakot heimsækir útibú Landsbankans

Börnin í Leikskólanum Krakkakoti fengu sér göngutúr í dag ásamt fóstrum sínum og heimsóttu útibú Landsbankans. Tilefni heimsóknarinnar var myndlistarsýning í bankanum á teikningum sem krakkarnir í Krakkakoti hafa unnið. Fjöldi mynda og teikninga prýða veggi og þil í bankanum og verður sýningin í nokkra daga.

Starfsfólk bankans tók vel á móti hópnum og bauð uppá ávaxtadrykki og kex sem var vel þegið, eftir þó nokkuð langa göngu.

Myndirnar eru virkilega skemmtilegar og sýna að hugmyndaflug höfundanna er í góðu lagi og kannski er einhver framtíðar listamaður í þessum hópi.

Mynd: Ingibjörg Valgeirsdóttir 6.ára