Stóra upplestrarkeppnin nálgast
Þá liggur fyrir hverjir verða fulltrúar Hafnarskóla á lokahátíð Stóru upplestrarkeppninnar sem fram fer fimmtudaginn 11. mars kl. 15:00 í Hafnarkirkju. Þau sem keppa fyrir Hafnarskóla eru: Áróra Snorradóttir, Hafdís Hauksdóttir, Hilmar Guðjónsson, Selma Lind Jónsdóttir og Þórgunnur Þórsdóttir. Á lokahátíðinni munu nemendur frá Hafnarskóla, Hrollaugsstaðaskóla, Grunnskólanum Hofgarði og Grunnskóla Djúpavogs reyna með sér í upplestri og að auki verður boðið upp á tónlistaratriði. Nú er bara um að gera fyrir bæjarbúa að fjölmenna í Hafnarkirkju í næstu viku og hlýða á upplestur krakkanna og njóta ljúfra tónlistar.
Stóra upplestrarkeppnin er orðin hluti af Íslensku námsefni 7. bekkjar enda góð leið til að æfa nemendur í framkomu. Meðal þess sem tekið er tillit til þegar framsögn er metin er, líkamsstaða, raddstyrkur, blæbrigði, hraði, framburður og samskipti við áhorfendur.
Skrifa athugasemd