Fallnir í 3. deild
Í dag áttust við í 2. deild karla Sindri og ÍR og var leikurinn í Reykjavík. Okkar menn urðu að vinna þennan leik til að halda í vonina um að halda sér í 2. deild. Ekki gekk sú von eftir og lauk leiknum með sigri ÍR 3-2. Það er því ljóst að á næsta ári leikur Sindri í 3. deild, svo skemmtilegt sem það nú er. Ekki skulu menn samt örvænta heldur taka höndum saman og byrja strax að undirbúa baráttuna til að endurheimta sæti í 2. deild.
Mfl. kvenna er í öllu skemmtilegri baráttu en strákarnir, þær eru eru að berjast um laus sæti í úrvalsdeildinni og öttu þær kappi við RKV á Sandgerðisvelli í dag og lauk leiknum með jafntefli 1-1. Á þriðjudaginn kl. 18:00 mætast þessi lið aftur á Sindravöllum og þá ræðst hvort liðið leikur til úrslita í 1. deild kvenna. Munið svo að á þriðjudaginn eru allir Hornfirðingar á Sindravöllum milli kl. 18:00 og 20:00, engar afsaknir duga. Áfram Sindri.
Skrifa athugasemd