Sindraskvísurnar unnu Fjarðabyggð 2-1
Meistaraflokkur kvenna hjá Sindra vann lið Fjarðarbyggðar 2-1. Þetta var baráttuleikur og höfðu Sindrastelpur 2-0 yfir í hálfleik. Í seinni hálfleik var töluverð pressa á mark Sindra en stúlkurnar með sjómanna- og víkingablóðið í æðum stóðust allar sóknir nema eina og uppskáru sætan sigur.
Mörk Sindra skoruðu Guðný Einars á 37 mín og Sandra Olgeirs á 39 mín. Mark fjarðarbyggðar skoraði Sonja Jóhannsdóttir á 63 mín. Miralem Haseta sá um dómgæslu og þótti með afburðum góður.
Meistaraflokkur karla hjá Sindra sótti á sama tíma heim Fjölni í Grafarvoginn og áttu okkar menn á brattan að sækja og var staðan í hálfleik 1-1 en eins og oft áður þá misstigu Sindrastrákarnir í þeim síðari og urðu lokatölur 4 - 1. Mark Sindra skoraði Heiðar Aðalgeirsson. Klukkan fimm í dag byrjaði leikur í 2 .flokki karla þar sem Sindri mætir Tindastól og fer leikurinn fram í Mosfellsbæ og á morgun spila sömu lið aftur á sama stað.
Á morgun sunnudag keppa síðan 3. flokkur hjá Sindra við Leikni.
Skrifa athugasemd