Gísli Sverrir Árnason forstöðumaður Menningarmiðstöðvar Hornafjarðar sagði starfi sínu lausu í haust og hætti formlega um áramótin. Gísli segist þó starfa fyrir Menningarmiðstöðina út janúar. Við starfi Gísla tekur Hjalti Þór Vignisson forstöðumaður stjórnsýslusviðs Sveitarfélagsins Hornafjarðar. Gísli ætlar að setjast á skólabekk og stunda nám fram á vorið en hann hefur tvo sl. vetur stundað fjarnámi með sinni vinnu og verið í meistaranámi í opinberri stjórnsýslu. Hvað svo tekur við er óráðið segir Gísli, en líklega mun fjölskyldan hugsa sér til hreyfings í sumar. Þegar hann var spurður um þá starfsemi sem hann er nú að yfirgefa og hvað honum væri efst í huga á þessum tímamótum sagði hann: Það sem fyrst kemur upp í hugann er að hafa haft samleið með góðu fólki, mínu samstarfsfólki og öllum Austur-Skaftfellingum. Mitt starf var þannig að ég hef þurft að hafa samskipti við flesta íbúana meira og minna. Lesa meira

Nýr formaður ferðamálafélags Austur Skaftafellssýslu er Guðrún Ingimundardóttir fædd og uppalin í uppsveitum Árnessýslu, kom árið 1975 til Hornafjarðar og ætlaði að vera eitt sumar en hún fór ekki til baka. Guðrún býr á Höfn ásamt eiginmanninum Þóri Snorrasyni og syninum Snorra Frey en þrjú uppkomin börn hennar eru í Reykjavík. Guðrún er kunnug flestu sem við kemur ferðaþjónustu á heimasvæðinu bæði sem blaðamaður og með vinnu sinni við ferðaþjónustu. Guðrún segir að þetta leggist vel í sig og hún er tilbúin að leggja sig alla fram í þessu nýja starfi. Ferðamál og öll þjónusta þeim tengd skipta okkur öll á þessu svæði miklu máli og því er tilvalið að taka nýkjörinn formann tali og spyrja um starfið, tildrög þess og hvað er framundan núna þegar ferðaþjónustuárið er að byrja. Lesa meira

Hera Hjartardóttir söngkona er löngu orðin landsfræg fyrir tónlist sína, söng og aðlaðandi framkomu. Hún var fulltrúi Íslands í vegavinnutónleikunumsem haldnir voru í Nýheimum 2.mars. Hera tók því vel að lofa okkur á hornafjordur.is að vita svolítið meira um hana sjálfa og að gömlum íslenskum sið var fyrsta spurningin: Hvaðan ertu? Foreldrar mínir bjuggu fyrst í Reykjavík en svo fluttum við til Nýja Sjálands þegar ég var 10 ára. Fyrst skruppum við þangað í stutt frí sem varð að 10 mánuðum og þegar við vorum komin heim aftur þráðum við mest að komast þangað aftur. Það var svo bara ákveðið að flytja út, búslóðinni pakkað og við fluttum til Nýja Sjálands. Það var mikið fyrirtæki að flytja þessa löngu leið og bara flugferðin tekur 24 tíma. Lesa meira

Vilborg Einarsdóttir ljósmóðir á Höfn, sem flestir þekkja best sem Boggu ljósu, á að baki farsælan starfsferil sem ljósmóðir einnig vann hún lengi á heilsugæslustöðinni þau störf sem hjúkrunarfræðingar vinna núna ásamt mæðra og ungbarnaeftirliti. Vilborg hætti störfum 2001 og helgar sig núna eiginmanninum Helga Hálfdánarsyni og fjölskyldunni allri. Vilborg tók vel í að svara nokkrum spurningum um hvaðan hún væri, um starf hennar og af hverju hún hafi kosið sér þetta að lífsstarfi. Lesa meira

Miralem Haseta eða Mica eins og við köllum hann daglega hefur búið á Hornafirði ásamt konu sinni, Milina Haseta og börnunum Alen og Maríu Selmu í rúm fjögur ár. Mica sagði að þau væru mjög ánægð hérna, búin að kaupa okkur hús og koma okkur vel fyrir. Upphaflega kom ég til landsins 4. apríl árið 1992 sem knattspyrnumaður og var fyrst á Hofsós í tvö ár. Þaðan lá leiðin til Siglufjarðar ennþá sem knattspyrnumaður og bjuggum við þar í 6 ár. Okkur líkaði vel á báðum þessum stöðum en veturnir voru ansi erfiðir og var það aðalástæðan fyrir því að við fluttum frá Siglufirði. Lesa meira

Sá fyrsti sem tekinn er tali á nýju ári er Björn Arnarson frá Reynivöllum í Suðursveit nú safnvörður hjá Menningarmiðstöð Hornafjarðar. Björn er manna fróðastur um fugla og því var fyrsta spurningin: Hvenær fékkstu áhuga fyrir fuglum og fuglaskoðun? “Ég held að það hafi byrjað strax þegar ég var smá gutti eða frá því ég man fyrst eftir, við vorum í nágrenni við þá Kvískerjabræður og svo var Magnús Magnússon kvikmyndagerðarmaður oft heima og hann var að fylgjast með fuglum og allt þetta smitaði vel út frá sér”. Lesa meira

Gunnar Hermannsson er Hornfirðingur í húð og hár og átti hann heima í Hlíðarenda ásamt foreldrum sínum og fjórum systkinum. Þó mikið sé að gera hjá honum í jólaösinni í Byggingarvörudeild KASK sem hann stýrir þá gaf hann sér tíma í smá spjall. Hvernig var jólaundirbúningurinn þegar þú varst smástrákur hér á Höfn? “Það var afskaplega ólíkt því sem er í dag” segir Gunnar sem er fæddur 1942 “það var ekki þessi voðalega mikla lýsing eins og nú er orðið. Það hefur líklega verið um 1960 að jólaseríur fóru að koma í glugga hér og síðan hefur þeim fjölgað jafnt og þétt. Fólk lifði svo allt öðruvísi þá en nú og ég held að tilhlökkunin til jólanna hafi ekki verið minni.” Lesa meira

Ludwig H. Gunnarsson (Lúlli) húsgagnasmíðameistari þekkjum við sem verslunarstjóra Esso Vesturbraut, karlakórs- og Kiwanismann, sjáum hann oft í heilsubótargöngu um götur bæjarins, hann er sá sem hefur verið í forsvari fyrir sölu á flugeldum fyrir Björgunarsveitina og síðast en ekki síst þá er hann maðurinn hennar Guðrúnar Jónsdóttur (Gunnu Jóns) á bæjarskrifstofunum. Lesa meira