Brunnhóll - ferðaþjónusta bænda

Á Brunnhóli er boðið upp á gistingu í sérhúsi í 20 tveggja og þriggja manna velbúnum herbergjum, m.a. með sjónvarpi og hárþurrku og öll með sér baði nema tvö. Sérbúin herbergi fyrir fatlaða. Reyklaust hús. Í húsinu er gott sameiginlegt eldhús og setustofa. Símasjálfsali og aðgangur að tölvu og þráðlausu interneti. Veitingasalur opinn allan daginn þar sem hægt er að kaupa heimagerðan rjómaís, Jöklaís.  Kvöld- og morgunverðarhlaðborð er í boði fyrir næturgesti.
Frá Brunnhóli er falleg fjalla- og jöklasýn og í nágrenninu eru margar fallegar gönguleiðir og fjölbreytt afþreying. Brunnhóll er við þjóðveg 1,30 km. vestan Hafnar. Sjá kort hér (pdf). Að Jökulsárlóni eru 55 km.