Funda og ráðstefnusalir

Staðsetningar

Nokkrir aðilar gefa sig út fyrir að þjónusta ráðstefnur og námskeið í ríki Vatnajökuls á Suð-Austurlandi. Á öllum þessum stöðum er góð veitingarsala. Hægt er að taka á móti stórum og smáum hópum, allt að 120 manns. Hægt er að kynna sér betur hvernig aðstöðu hver og einn býður upp á hér fyrir neðan. Fyrir stærri samkomur eða fundi er íþróttahúsið notað.

Hótel Höfn

Hótel Höfn leggur mikla áherslu á að aðstaða ráðstefnugesta sé sú besta sem völ er á hverju sinni, bæði varðandi aðstöðu, tækni og veitingar. Við getum tekið 10 - 100 manna ráðstefnur á Hótelinu. Einnig er úrval fundasala í nágrenni hótelsins og þannig getum við tekið allt að 400 manna fundi.

Margir möguleikar eru á afþreyingu á svæðinu og eru ferðir á stærsta jökul Evrópu mjög vinsælar sem og ferðir að Jökulsárlóni sem er einn vinsælasti ferðamannastaður landsins.

Kostur þess að funda á Hótel Höfn er tvímælalaust að vera utan höfuðborgarsvæðisins í kyrrð og ró, sem gefur ráðstefnugestum betri vinnufrið.

,,Við sníðum uppsetningu fundarsala og skipuleggjum daginn fyrir þig og þína gesti að ykkar þörfum og leggjum metnað okkar í að dagurinn verði ykkur bæði árangursríkur og skemmtilegur.“

Til að fá nánari upplýsingar sjá hotelhofn.is, sendu okkur tölvupóst á info@hotelhofn.is eða hringdu í síma 478-1240.

Nýheimar, ráðstefnusalur

Nýheimar, þekkingarsetur er vettvangur skapandi samvinnu ólíkra aðila á sviði mennta, menningar, nýsköpunar og frumkvöðlastarfssemi. Fjölmargir aðilar eru með starfssemi sína í Nýheimum. Í húsinu er ráðstefnusalur fyrir allt að 120 manna ráðstefnur, þar er gott bókasafn, tölvur og þráðlaus nettenging. Veitingasala er í húsinu. Sjá nánari upplýsingar hér.

Hótel Smyrlabjörg

Á Smyrlabjörgum eru tveir funda og ráðstefnusalir. Stærri salurinn getur tekið um 80 - 100 manns í sæti. Minni salurinn tekur 20 - 50 manns í sæti. Auk almenns búnaðar til fundarhalda eru píanó og harmonikka til staðar. Salirnir henta einnig fyrir kóra, handavinnuhópa og aðra sem vilja hafa skemmtilegar vinnuhelgar, í rólegu umhverfi. Sjá nánari upplýsingar hér.

Smyrlabjörg í Suðursveit
781 Höfn í Hornafirði
Sími: 478 1074

smyrlabjorg@smyrlabjorg.is

Þórbergssetur

Ráðstefnusalur fyrir allt að 60 manns er í Þórbergssetri. Veitingasalur og öll aðstaða til lengri dvalar. Gisting á staðnum fyrir um 60 manns á Gistiheimili á Hala og Gerði. Skemmtileg sýning og möguleikar á útiveru og leiðsögn heimamanna. Sjá nánari uppl. hér.

Þórbergssetur Hala Suðursveit
781 Hornafjörður
Sími: 478-1078 / 867-2900
Netfang:thorbergssetur@thorbergssetur.is

Fosshótel Skaftafell

Á hótelinu er góð aðstaða til funda, námskeiðs- og ráðstefnuhalds. Ráðstefnusalurinn er á annarri hæð hótelsins og getur hýst allt að 80-100 manns fyrir ráðstefnur og einkasamkvæmi.
Sjá nánari upplýsingar hér.

Fosshótel Skaftafelli

Freysnesi - 785 Öræfi
Sími: 478 1945, Fax : 478 1846

bokun@fosshotel.is