Heimamarkaðurinn byrjar að nýju laugardaginn 23. janúar

15.01.2010

Heimamarkaðurinn í Pakkhúsinu/Market

Að vanda er frábært úrval á markaðinum.

Hinn vinsæli heimamarkaður byrjar að nýju  laugardaginn 23. janúar n.k.  og ef viðtökurnar verða jafn góðar og á síðasta ár i þá er stefnt á að hann verði í allan vetur á laugardögum frá kl. 13 til 16.

Afurðaframleiðendur voru ánægðir með viðbrögð heimamanna við markaðinum og einnig voru gjafaöskjur sem seldar voru fyrir jólin vinsælar.  Matreiðslubókin hans Halldórs Halldórssonar, Réttir í Ríki Vatnajökuls seldist framar björtustu vonum og hefur aukið hróður afurða af svæðinu.  Nú hefur hafist vinna við að þýða hana á ensku en stefnt er á að enska útgáfan komi út í byrjun mars segir Rósa Björk framkvæmdastjóri Ríki Vatnajökuls.