Allir á Heimamarkaðinn á laugardögum

16.02.2011

Heimamarkaður

Heimamarkaðurinn nýtur mikilla vinsælda.

Heimamarkaðurinn hefur opnað á ný í Pakkhúsinu og er stefnan að hafa hann opinn alla laugardaga milli 13 og 16 til sumars.

Á Heimamarkaðnum gefst fólki kostur á að koma í hverri viku og kaupa ferskar afurðir frá matvælaframleiðendum á svæðinu. Auk þess er horft til þess að fá félagasamtök til að sjá um kaffisölu til fjáröflunar og kynningar á starfsemi sinni.

Gerum heimsókn í Heimamarkaðinn að föstum lið á laugardögum og styðjum með því við framleiðendur og félagasamtök í Hornafirði.