Nýr framkvæmdastjóri Ríki Vatnajökuls ehf

30.11.2010

Sigríður Dögg Guðmundsdóttur

Nýr framkvæmdastjóri Ríki Vatnajökuls ehf (Bakgrunnsmynd úr myndasafni - In the realm of Vatnajökull/ Ragnar Th.)

Fyrir nokkru var auglýst starf framkvæmdastjóra Ríki Vatnajökuls ehf.  Umsækjendur um starfið voru 13 og eftir að stjórn hafði farið yfir umsóknir,  voru tveir aðilar teknir í frekara viðtal, sem leiddi til þess að gengið var til samninga við Sigríði Dögg Guðmundsdóttur.

Sigríður Dögg  er með MS gráðu í markaðsfræði og alþjóðaviðskiptum og BA gráðu í stjórnmálafræði frá Háskóla Íslands. Hún lauk stúdentspróf af ferðabraut við Menntaskólann í Kópavogi. Sigríður var blaðamaður á Fréttablaðinu í þrjú ár og býr frá þeim störfum yfir  verðmætri reynslu og öflugu tengslaneti sem  án efa munu gagnast í kynningu á Ríki Vatnajökuls,hvort heldur er þjónusta, afurðir eða menning.   Samhliða námi vann Sigríður við ýmis störf í ferðaþjónustu  og sem sölumaður.  Hún hefur einnig  talsverða reynslu af skipulagningu og stjórnun úr störfum   sínum í félagsmálum undanfarin ár.
 
Sigríður Dögg hefur störf í byrjun desember og mun á fyrstu vikunum heimsækja alla aðila að Ríki Vatnajökuls ehf og kynna sér starfssemi þeirra og alla staðhætti.  

Við bjóðum Sigríði Dögg velkomna til starfa.

Stjórn Ríki Vatnajökuls ehf.