Lundar

Mynd Ragnar Th. Sigurðsson

Fuglaskoðun

Fjölbreytt fuglalíf er á Suð-Austurlandi.  Hingað flykkjast farfuglarnir á vorin og þeir safnast hér einnig saman á haustin áður en þeir leggja aftur í langferðina til hlýrri heimkynna. Á vorin og haustin eru álftir og gæsir áberandi.   Stærsta skúmabyggð í heimi er á Skeiðarár- og Breiðamerkursandi og gráspör verpir á Hofi í Öræfum.  Í Ingólfshöfða er mikið um lunda og hægt er að komast mjög nálægt honum þar.  Öræfaferðir bjóða upp á ferðir í Ingólfshöfða yfir sumartímann. Sjá www.oraefaferdir.is  Fuglaathugunarstöð Suð-Austurlands fylgist vel með fuglalífinu á svæðinu og verður oft vart flækingsfugla.  www.fuglar.is  Erlendir fuglaáhugamenn koma gjarnan á Suðausturland á sumrin til þess að skoða fugla sem þeir þekkja í vetrarbúningi í heimalandi sínu en hér sjá þeir þessar sömu tegundir í sumarbúningi.  Hægt er að fá leiðsögn hjá sérstökum fuglaleiðsögumönnum (Björn Arnarsson  892-1869, Brynjúlfur Brynjúlfsson  894-0262)

Sjá einnig: icelandicbirds.com