Hvernig var dvölin á Brunnhóli?

Úr umsögnum "huldugesta" Better Business.

"Við fengum alla athygli og viðmót allt var mjög jákvætt og gott."

"Reyndar var herbergið miklu betra en ég átti von á. Það er e.t.v. vegna þess að í mínum huga stendur hugtakið "Gistiþjónusta bænda" fyrir þá þjónustu sem bændur veittu með því að bjóða ferðamönnum inná heimili sín. Þjónustan sem hér er í boði er mörgum "klössum" fyrri ofan það og því eru gæði herbergisins miklu meiri en væntingar okkar gerðu ráð fyrir."

"Sérstaklega var ánægjulegt að sjá hversu mikið var af upplýsingum um þjónustuframboð annarra fyrirtækja í ferðaþjónustu á Suðausturlandi. Vísbending um vilja til að starfa saman. Starfsmaður gaf sér góðan tíma til að fara yfir það sem er í boði á svæðinu, bæði nærsvæði og líka þjónustuframboð lengra í burtu."

"Allt var í góðu lagi og gestgjafinn mjög vinsamlegur og allt gert til að láta gestina finna sig velkomna."

"Hafði aldrei gist í bændagistingu en hafði heyrt eftir örðum gestum að það væri mjög notalegt. Við áttum mjög ánægjulega dvöl þarna og gætum vel hugsað okkur að koma aftur á þennan sama stað. Húsmóðirin var sú eina sem við hittum en áttum við hana ánægjulegar samræður um allt milli himins og jarðar. Hún er vel upplýst og er virk í sínu samfélagi sem og annars staðar."