Fjölbreytt fuglalíf er í Ríki Vatnajökuls.

Mikið og fjölbreytt fuglalíf er í Ríki Vatnajökuls.  Suðausturland liggur vel við flugi farfugla til og frá Evrópu.  Þess vegna eru þar kjörskilyrði til þess að fylgjast með farfuglunum, þegar þeir streyma til landsins á vorin og hópa sig saman að hausti og búa sig undir að hverfa til hlýrri heimkynna.  Sumir dvelja þó hjá okkur allt árið eins og krummi.  Hægt er að komast í fuglaskoðunarferðir í Ingólfshöfða með Öræfaferðum www.hofsnes.com  Við göngustíg í Haukafelli er fræðsluskilti sem sýnir helstu fugla sem þar er að sjá.  Sjá frekari upplýsingar á vef Fuglaathugunarstöðvar Suðausturlands.